Орталық Азия соңғы жылдары әлемдік туризм нарығындағы ең қарқынды дамып келе жатқан өңірлердің біріне айналды. World Travel & Tourism Council (WTTC) деректеріне сәйкес, 2025 жылы өңір туризмнің экономикаға қосқан үлесі, жұмыспен қамту, туристер шығындары және инвестициялар өсімі бойынша әлемдегі ең жоғары көрсеткіштердің бірін көрсетті.

📈 Негізгі көрсеткіштер:

• туризмнің ЖІӨ-ге қосқан үлесі 17,7%-ға өсті;

• саладағы жұмыспен қамту 9,5%-ға артты;

• шетелдік туристердің шығындары 26,4%-ға көбейді;

• туризмге салынған инвестициялар 12,4%-ға өсті.

Қазақстан – өңірдегі жаңа көшбасшы

2025 жылы Қазақстанда туризмнің экономикаға қосқан үлесі 9,3 млрд АҚШ долларын құрап, Орталық Азиядағы ең жоғары көрсеткішке жетті. Бұл бір жылда 16,2%-ға артқан.

WTTC болжамынша, 2026 жылы Қазақстанда туризмнің ЖІӨ-ге қосқан үлесі тағы 13%-ға өседі. Бұл Өзбекстан (3,6%) мен Қырғызстаннан (5,4%) жоғары қарқын.

Сонымен қатар Қазақстан халықаралық рейтингтердегі орнын да жақсартуда. U.S. News & World Report ұйымының «Туризм және мәдениет» рейтингінде ел 73-орынға көтеріліп, соңғы үш жылда 11 сатыға жоғарылады.

Туризм экономика үшін маңызды салаға айналуда

2025 жылы Орталық Азияда туризмнің экономикаға қосқан жалпы үлесі 20,1 млрд АҚШ долларын немесе өңірлік ЖІӨ-нің 4,3%-ын құрады.

Салада 1,7 млн адам жұмыспен қамтылған, бұл өңірдегі барлық жұмыс орындарының 5,8%-ына тең. Болжам бойынша, 2036 жылға қарай бұл көрсеткіш 2,2 млн адамға дейін өседі.

Туристердің басым бөлігі – көрші елдерден

2025 жылы Орталық Азияға келген туристердің негізгі бөлігі:

• 🇰🇿 Қазақстан – 29%;

• 🇺🇿 Өзбекстан – 22%;

• 🇷🇺 Ресей – 20%;

• 🇰🇬 Қырғызстан – 19%.

Сарапшылардың пікірінше, өңір елдері шекаралық рәсімдерді жеңілдетіп, ортақ туристік бағыттарды дамытса, Орталық Азия халықаралық туризмдегі позициясын одан әрі күшейте алады.

Толығырақ: ranking.kz