Қазақстан қор биржасында (KASE) жұма күні негізгі көрсеткіштердің төмендеуі байқалды. KASE индексі 0,60%-ға төмендеп, 7 868,46 пунктті құрады.

Өкілдік тізімдегі акциялар арасында ең көп мәміле Halyk Bank қағаздарымен жасалды — 3 093 мәміле. Ал сауда-саттықтың ең үлкен көлемі «ҚазМұнайГаз» акцияларына тиесілі болды — 1 066,2 млн теңге.

Үш компанияның акциялары қымбаттады: Bank CenterCredit — 1,30%-ға, KEGOC — 0,36%-ға, «ҚазМұнайГаз» — 0,09%-ға өсті.

Ақша нарығы

Мемлекеттік бағалы қағаздармен бір күндік репо операцияларының кірістілігі (TONIA) сауда қорытындысы бойынша жылдық 15,06%-ды құрады.

АҚШ долларымен қамтамасыз етілген теңгелік бір күндік қарыз алу мөлшерлемесі (SWAP-1D USD) 18 базистік тармаққа өсіп, жылдық 10,54%-ға жетті. Ақша нарығындағы бір күндік құралдар бойынша сауда-саттықтың жиынтық көлемі 602,2 млрд теңгені құрады.

Валюта нарығы

Дүйсенбі күнгі сауда қорытындысы бойынша есеп айырысу мерзімі келесі жұмыс күніне белгіленген АҚШ долларының орташа сараланған бағамы 453,48 теңге болды. Ұлттық валюта 0,29 теңгеге нығайды.

Сауда-саттық көлемі 460,9 млн долларға жетті. Барлығы 1 295 мәміле жасалды. Сауда барысында доллар бағамы 452–455,02 теңге аралығында өзгерді. Соңғы мәміле бағасы 452,13 теңгені құрады.

Мұнай нарығы

Лондондағы ICE Futures биржасында Brent маркалы мұнайдың желтоқсандық фьючерстері Алматы уақыты бойынша сағат 18:00-де 4,38%-ға арзандап, барреліне 108,46 доллар болды.