Банк секторының активтері 60,6 трлн теңгені құрап, қаңтар айында 1,5%-ға немесе 0,9 трлн теңгеге азайды, негізінен несие портфелінің 0,7% - ға (0,3 трлн теңге) төмендеуіне байланысты.

2025 жылғы 1 ақпандағы жағдай бойынша Қазақстан Республикасының банк секторына 21 Екінші деңгейдегі банк кіреді, оның 12-сі шетелдік қатысуға ие, оның ішінде 9 еншілес банк. Банк секторының активтері 60,6 трлн теңгені құрап, қаңтар айында 1,5%-ға немесе 0,9 трлн теңгеге азайды, негізінен несие портфелінің 0,7% - ға (0,3 трлн теңге) төмендеуіне байланысты.

Экономикаға берілетін кредиттер 0,8%-ға төмендеп, 33,5 трлн теңгені құрады, оның ішінде ұлттық валютадағы кредиттер 0,3%-ға, ал шетел валютасындағы кредиттер 6%-ға төмендеді. Бұл ретте теңгедегі кредиттердің үлесі 91,7%-ға дейін ұлғайды.

Бизнеске кредиттер 3,0%-ға төмендеп, 12,7 трлн теңгені құрады, бұл ретте шағын және орта бизнеске қарыздар 7,9%-ға, ал ірі бизнеске - 2,3%-ға ұлғайды. Сонымен қатар, тұтынушылық кредиттердің өсуіне байланысты халыққа берілетін кредиттер 0,6%-ға өсіп, 20,8 трлн теңгені құрады.

Несиелер мен депозиттер бойынша ставкалардың өсуі байқалады. Ұлттық валютадағы бизнеске арналған кредиттер бойынша орташа өлшенген мөлшерлеме 21,0%-ға дейін, ал тұтынушылық кредиттер бойынша 20,3%-ға дейін өсті.

Несие портфелінің сапасы жоғары болып қала береді, мерзімі өткен берешек деңгейі несие портфелінің 3,2%-ды құрады. Банктердің міндеттемелері негізінен заңды тұлғалардың салымдарының азаюына байланысты 2,1%-ға 51,5 трлн теңгеге дейін төмендеді.

Банктердің меншікті капиталы 2,0%-ға өсіп, 9,1 трлн теңгені құрады. Банктердің 2025 жылғы қаңтардағы таза пайдасы 2024 жылғы қаңтармен салыстырғанда 15,5%-ға ұлғайып, 228 млрд теңгені құрады.