Сенатор Айгүл Қапбарова Қазақстанда қазіргі заманға сай жаңа мамандықтарды Ұлттық кәсіптер классификаторына енгізуді ұсынды, деп хабарлайды LS.

Оның айтуынша, бүгінде мыңдаған қазақстандық DevOps-инженер, дата-аналитик, гейминг, SMM-менеджер, таргетолог, креатор сынды сұранысқа ие, бірақ ресми түрде танылмаған мамандықтар бойынша жұмыс істеп жүр. Бұл мамандар жарнама нарығын қалыптастырып, бренд имиджін алға жылжытатын негізгі күшке айналған.

— Бұл мамандардың құқықтық статусы жоқ. Олар көлеңкелі секторда қалып отыр. Статистикада көрінбейді, ресми еңбекке тартылмаған, — деді Қапбарова.

Оның ұсыныстары:

• Жаңа мамандықтарды классификаторға енгізу;

• ЖОО мен колледждерде оқу бағдарламаларын жасау;

• Гранттар тағайындау;

• Қажетті дағдыларды айқындау үшін сараптамалық топ құру;

• Еңбек нарығын толық қамтитын жаңа статистикалық құралдарды енгізу.

Бұл шаралар жаңа буын мамандарының мәртебесін көтеріп, салықтық түсімдерді арттыруға және көлеңкелі секторды азайтуға көмектеседі.