2026 жылғы тамызда Қазақстанда 35 807 тұрғын үй мәмілесі жасалды. Бұл шілдедегі көрсеткіштен 3,6%-ға немесе 1 351 мәмілеге аз.

Мәмілелер саны бойынша Алматы 7 690 мәмілемен (21,5%), Астана 6 398 (17,9%) және Қарағанды облысы 2 825 (7,9%) көрсеткішімен көш бастады. Ең аз мәміле Ұлытау облысында тіркелді — 277 (0,8%).

Айлық өсім Алматыда (+5,9%), Қостанай (+5,5%) және Қарағанды (+5,1%) облыстарында байқалды. Ал ең жоғары төмендеу Алматы облысында (-21,1%), Атырау (-15,7%) және Жамбыл (-13,7%) облыстарында тіркелді.

Пәтерлер негізгі үлесті құрады

Тамызда көппәтерлі үйлердегі тұрғын үй бойынша 27 719 мәміле жасалды. Бұл бір айда 3%-ға азайып, барлық мәміленің 77,4%-ын құрады.

Пәтер саудасының басым бөлігі Алматыға (26%), Астанаға (22,6%) және Қарағанды облысына (8,4%) тиесілі. Бөлмелер саны бойынша бір бөлмелі пәтерлер көш бастады — 10 806 мәміле.

Жеке тұрғын үйлер бойынша мәмілелер саны да 5,8%-ға азайып, 8 088-ге дейін төмендеді.

Жылдық көрсеткіш те төмендеді

2025 жылғы тамызбен салыстырғанда тұрғын үй мәмілелерінің саны 13,5%-ға азайды — 41 380-ден 35 807-ге дейін.

Жылдық өсім Түркістан облысында (+9,8%) тіркелсе, ең үлкен төмендеу Астанада болды — 32,3%.

2026 жылғы қаңтар-тамыз айларында тұрғын үй мәмілелерінің саны өткен жылдың сәйкес кезеңімен салыстырғанда 4,3%-ға төмендеді.