2025 жылдың наурызында қазақстандықтар шетел валютасын сатып алуға аз қызығушылық танытты. Ұлттық банктің деректері бойынша, айырбастау пункттері долларды 73,9 млрд теңгеге сатқан, бұл ақпанмен салыстырғанда 2,4 есеге аз.

Доллар сатып алуда Шымкент көш бастап тұр – 21,8 млрд теңге (-1,6 есе), Алматы – 11,4 млрд теңге (-3,9 есе), Маңғыстау облысы – 8,9 млрд теңге (-1,4 есе).

Еуроға сұраныс та төмендеді: сату көлемі 33,1 млрд теңгеден 11,6 млрд теңгеге дейін қысқарды (-2,8 есе). Ең белсенді сатып алушылар – Алматы, Астана және Шымкент тұрғындары.

Наурызда айырбастау пункттерінде 18,9 млрд теңге көлемінде ресейлік рубль жиналды. Сондай-ақ, юаньға қызығушылық азайып, нетто-сату көлемі теріс көрсеткішке түсті (-9,3 млн теңге).