Қазақстанда құрылыс компанияларына қаражат аударғанда банктердің "Казреестр" жүйесінде үлестік қатысу шартының тіркелгенін тексеруі міндетті болады.

Бұл бір пәтерді бірнеше адамға сату сияқты жағдайлардың алдын алуға мүмкіндік береді. Енді банк төлем жасамас бұрын шарттың тіркелу дерегін тексеруі тиіс.

Сондай-ақ, құрылыс рұқсатынсыз пәтерлерді жарнамалауға тыйым салынады. Бұл талапты бұзған жағдайда 1 000 АЕК-ке дейін (шамамен 3,9 млн теңге) айыппұл қарастырылған.

Құрылыс саласын дамытуға қатысты басқа да өзгерістер қазіргі таңда Мәжілісте талқылануда.