Алматы қаласында SuperApp атты қалалық мобильді қосымша әзірленуде. Бұл жоба қала тұрғындары мен туристерге арналған барлық қызметтерді біріктіретін цифрлық платформа болмақ. Бұл туралы қала әкімі Ерболат Досаев мәлімдеді.

📲 Оның айтуынша, қосымшада туризмге арналған модуль болады. Пайдаланушылар мәдени және спорттық шараларға билет сатып ала алады, сандық карта арқылы бағыт жоспарлап, экскурсия брондайды және тіпті Алматы көрнекті орындары бойынша VR-серуен жасай алады.

«Туристердің қалаға қайта келу саны артып жатыр. Туризм сапасын арттыру үшін біз SuperApp әзірлеп жатырмыз. Бұл қосымша қала қызметтеріне қолжетімділікті жеңілдетеді», — деді әкім.

🗓 Қосымшаны 1 шілдеге дейін 113 мәдени және спорттық нысанмен біріктіру жоспарлануда.

🏨 Сонымен қатар, Алматыда 40 қонақүй құрылысы жүзеге асырылып жатыр. Олардың жалпы сыйымдылығы — 5,6 мыңнан астам нөмір. Оның ішінде 10 қонақүй 2024 жылдың соңына дейін ашылады.
2025–2027 жылдар аралығында қонақүй нөмірлерінің саны 1,5 есе артып, 17 мыңға жетуі жоспарланып отыр.