YouTube жасанды интеллект көмегімен жасалған контентті монетизациялау ережелерін жаңартты. Енді платформа түпнұсқалығы жоқ деп таныған видеолар табыс әкелмейді.

Жаңа шектеулер мынадай контентке қатысты:
▪️ шаблон бойынша немесе болмашы ғана айырмашылықпен жаппай жасалған біртипті видеолар;
▪️ қаралым жинау үшін эмоцияға қысым жасайтын немесе манипуляцияға құрылған роликтер;
▪️ қаржы, медицина немесе құқық сияқты сезімтал тақырыптар бойынша кеңес беретін ЖИ-кейіпкерлері бар видеолар.

YouTube бұл өзгерістердің мақсаты – автордың өзіндік үлесінсіз біртипті ЖИ-видеоларды жаппай жариялайтын контент-фермалармен күресу екенін мәлімдеді.

Сонымен қатар жаңа талаптар тек ЖИ көмегімен жасалған контентке ғана қатысты емес. Үнемі түпнұсқалығы жоқ видеолар жариялайтын арналар, жасанды интеллект қолданылған-қолданылмағанына қарамастан, YouTube-тың серіктестік бағдарламасынан шығарылуы мүмкін.