Үрімші қаласында Шанхай ынтымақтастық ұйымына мүше мемлекеттердің білім министрлерінің 9-отырысы өтті. Жиын барысында қатысушылар заманауи технологияларды енгізу, цифрлық трансформация, жасанды интеллектті білім беру жүйесіне интеграциялау және бәсекеге қабілетті кадрлар даярлау мәселелерін талқылады.

Қазақстан техникалық және кәсіптік білім беру саласында халықаралық деңгейдегі бағдарламаларды дамытуға ерекше назар аударуда. Қытай тарапымен бірлесіп Қазақстан-Қытай кәсіби техникалық колледжін ашу туралы келісімге қол жеткізілді.