— Орталық Азия елдерінің президенттері екіжақты кездесулер өткізді. Онда өзара сенімді нығайту және ынтымақтастықты күшейту мәселелері талқыланды, — деді ол БАҚ өкілдерінің алдында оқыған мәлімдемесінде.
Сондай-ақ ол Астана саммитінің ұйымдастырылу деңгейіне тоқталды.

— ⁠Тараптар Қазақстанға екінші Орталық Азия — Қытай саммитін жоғары деңгейде ұйымдастырғаны үшін алғыс білдірді. Тараптар үшінші Орталық Азия — Қытай саммиті 2027 жылы Қытайда өтеді деп келісті, — деді Сунь Вэйдун.
Айта кетейік, бүгін елордадағы Тәуелсіздік сарайында «Орталық Азия – Қытай» ІІ саммиті өтті.