2026 жылы Қазақстанда мұнай мен газ конденсатын өндіру көлемі жоспарланған деңгейден аз болуы мүмкін. Бұл туралы Энергетика министрі Ерлан Ақкенженов айтты. — Экономиканы дамыту жоспары бойынша бұл көрсеткіш 100,5 млн тонна болған (2026 жылға). Менің ойымша, жыл соңында және осы жылдың басында болған оқиғалар, яғни КҚК-ға жасалған шабуыл мен Теңіздегі жағдай салдарынан өндіру көлемі 96-98 млн тонна шамасында болады, — деді Ерлан Ақкенженов Парламент Мәжілісінде тілшілер сұрағына жауап бере отырып.
Министр бұл тұрғыда мәселе мұнайды, газ конденсатын өндіруге қатысты екенін айтты.