Қазақстанның өнеркәсіп және құрылыс министрі Ерсайын Нағаспанов Қостанай облысына жасаған жұмыс сапары барысында Allur зауытында Jetour X70 Plus моделін CKD (толық циклді жинау) әдісімен сериялық өндіруді ресми түрде іске қосты.

Жаңа желінің өндірістік қуаты жылына 15 000 автокөлікке дейін жетеді. Жоба аясында 1 000-нан астам жаңа жұмыс орны ашылады. Жаңа технологиялар арқылы өндіріс деңгейін арттыру, жергілікті мамандарды дайындау және көлік құрастыру саласындағы қазақстандық мамандардың біліктілігін көтеру көзделген.

Allur Қазақстанда өндірілетін барлық автокөліктердің 61% және ішкі нарықтағы сатылымдардың 38% үлесін иеленеді. Компанияның Қостанайдағы зауытының жылдық қуаты 125 000 автокөлікке жетеді, ал жалпы қызметкерлер саны 5 000 адамнан асады.