Наурыз айының қорытындысы бойынша Қазақстанда тұрғын үй бағасының өсу қарқыны төмендеді: бұған дейін ай сайын 1%-ға қымбаттаса, наурызда өсім 0,4% ғана болды, деп хабарлайды Azattyq Rýhy Krisha.kz сайтына сілтеме жасап.

Айлық динамика

Ең жоғары баға өсімі келесі қалаларда тіркелді:

• Тараз және Қостанай (+2,2%)

• Ақтөбе (+2,1%)

Ал ірі қалаларда керісінше, тұрғын үй бағасы төмендеді:

• Шымкент — –2,7%

• Алматы — –0,6%

• Атырау — –0,4%

Жылдық динамика

Соңғы 12 айда Қазақстан бойынша тұрғын үй бағасы орташа 6%-ға өсті.

• Бағаның ең жоғары өсуі — Ақтауда (+17,8%)

• Астана, Орал, Петропавл, Қостанай қалаларында 9,4%-дан 11,3%-ға дейін қымбаттады

• Алматыда 4,2%, Шымкентте 6,2% өсім байқалды

• Тұрғын үй бағасы төмендеген жалғыз қала – Қарағанды (–1,4%)

Сарапшылардың айтуынша, бағаның өсу қарқынының баяулауы нарықтың қанығуы мен ірі қалаларда сұраныстың төмендеуімен байланысты.