Осы арқылы көшеде болған оқиғаларды құзырлы органдар нақты уақыт режимінде бақылай алады. Полиция қызметкерлеріне заманауи планшеттер мен смарт-жетондар беріледі.

Ал азаматтар құқық бұзушылық туралы тек «102» нөмеріне хабарлап қана қоймай, eGovMobile және екінші деңгейдегі банктердің қолданбасына «Заң және тәртіп» сервисі арқылы шағым түсіре алады. Бұл қоғам мен құқық қорғау органдары арасындағы байланысты едәуір жеңілдетеді деп түсіндіреді құзырлы органдар.

Осыған дейін Астана және Алматы көшелеріндегі қозғалысты Sergek камералары бақылайтын еді. Биыл отандық компаниямен келісімді тоқтатып, арабтың Presight жүйесі келді. Жоба 2030 жылға дейінгі мерзімге жоспарланған және 22 мың жалпы бейнебақылау камерасын, 1202 аппараттық-бағдарламалық кешен орнатуды көздейді.