Қаржы нарығын реттеу және дамыту агенттігі жаңа қаулы жобасын әзірледі. Құжатта эмитент акционерлерінің түпкілікті меншік иелері туралы мәліметтерді жинауға және сұратуға арналған арнайы рәсімді енгізу ұсынылады.

Бұл тетік банк, әуе компаниясы, телекоммуникация операторлары, магистральды инфрақұрылым иелері мен БАҚ сынды стратегиялық маңызды ұйымдардың акционерлік құрамын ұлттық деңгейде қадағалауға мүмкіндік береді.

Сонымен қатар, инвестициялық портфельді басқару шарты жасалғанда клиентке цифрлық құжат сервисі арқылы жеке куәлік мәліметтерін ұсынуға рұқсат берілуі қарастырылуда.