Абу-Дабидің мұрагер ханзадасы шейх Халид бен Мұхаммед Әл Нахаянның Астанаға сапары аясында Қазақстан мен Біріккен Араб Әмірліктері $5 млрд көлеміндегі 20-дан астам коммерциялық келісімдерге қол қойды.

Келісімдер негізгі бағыттарды қамтиды:

• Қазақстанда суперкомпьютерлік кластер құру

• 500 МВт қуаттылығы бар тәулік бойы энергиямен жабдықтау жобаларын іске асыру

• 2 000 МВт көлемінде энергияны сақтау жүйелерін дамыту

• Автокөлік саласындағы бірлескен жобалар

• Халықаралық "Нұрсұлтан Назарбаев" әуежайын және оның айналасын жаңғырту

• Жамбыл облысында жел электр станциясын салу

Сонымен қатар, тараптар мұнай-газ саласында цифрлық трансформация бағытында стратегиялық әріптестік орнату туралы келісімге келді. Бұл Қазақстанның технологиялық саласын дамытуға қосымша серпін береді.