Halyk Bank пен «Даму» қоры кәсіпкерлікті қолдау мақсатында 25 млрд теңге көлемінде кепілдік беру қаржыландыруы туралы келісімге қол қойды, деп хабарлайды LS.

Бұл келісім микро-, шағын, орта және ірі бизнес өкілдеріне 7 млрд теңгеге дейін несие алуға мүмкіндік береді.
Мемлекеттік кепілдік көлемі 85%-ға дейін, ең жоғарғы сома — 3,5 млрд теңге.
Қаражатты инвестициялық мақсаттарға, айналым қаражатын толықтыруға немесе бұрынғы несиені қайта қаржыландыруға жұмсауға болады.

📌 Бағдарламаның басты артықшылығы — өтінімдерді қарау мерзімінің қысқаруы. Енді көптеген рәсімдер банк ішінде жүзеге асады, бұл қаржыны тезірек рәсімдеуге жағдай жасайды.

«Бұрын әрбір кепілдік бөлек келісілетін. Қазір барлық процесс банктің ішінде өтеді. Бұл кәсіпкерлер үшін аса маңызды жылдамдықты қамтамасыз етеді», – деді Halyk Bank басқарма төрағасының бірінші орынбасары Дәурен Сартаев.

💼 Портфельдік кепілдендіру тетігі бизнесті жеңіл және жедел қаржыландыруға мүмкіндік береді.
Кәсіпкерлер елдің барлық өңіріндегі Halyk Bank бөлімшелеріне жүгініп, несие ала алады.

📎 Дереккөз / Источник: lsm.kz