Шетелдік мекемелерге іссапарға жіберу келесідей жүзеге асырылады:
— ҚР Президенті — мемлекеттік қызметшілерге және Ұлттық банктің құрылымдық бөлімшелерінің басшыларына қатысты (С-2 санаты және одан жоғары лауазымдарға үміткерлер үшін);
— ҚР Президенті Әкімшілігінің басшысы — осы тармақтың 1) тармақшасында көрсетілмеген адамдарға қатысты.
Шетелдік мекемелерге іссапарға жіберілуі мүмкін тұлғалар:
— Мемлекеттік органнан мемлекеттік қызметшілер, Ұлттық банк қызметкерлері, мемлекеттік қызметшілер үшін — жолдаушы мемлекеттік органдағы мемлекеттік қызмет өтілі кемінде үш жыл (саяси мемлекеттік қызметшілерге қатысты — жолдаушы органдағы саяси лауазымда кемінде алты ай міндетті өтіл);
— Ұлттық банк қызметкерлері үшін — осы ұйымдағы еңбек өтілі кемінде үш жыл;
— ҚР заңнамасында шетелдік мекемедегі лауазымға қойылатын біліктілік талаптарына сай келетін;
— тәртіптік жазаға тартылмаған;
— уақытша міндетін атқарушы немесе уақытша жоқ қызметкерді алмастырушы емес;
— соңғы 8 тоқсан қатарынан «қызметтік міндетін тиімді орындайды» деген қызмет нәтижесін алған (осы тармақтың 2 және 3-бөлігінде көрсетілген кандидаттардан басқа).
Әскери қызметші, құқық қорғау немесе арнаулы мемлекеттік орган қызметкері соңғы аттестация қорытындысы бойынша аттестациялық комиссияның оң шешімі болған жағдайда іссапарға жіберілуі мүмкін.
Ұлттық банк қызметкері соңғы 2 жылдағы негізгі функционалдық тиімділік көрсеткіштері бойынша кемінде 80% нәтижеге қол жеткізген жағдайда іссапарға жіберіледі.
Барлық кандидат ҚР шетелдік мекемесіне іссапарға жіберуге жазбаша келісім беруі тиіс.
Мемлекеттік қызметшіні, Ұлттық банк қызметкерін іссапарға жіберу туралы ұсыныс келісілген жағдайда, жолдаушы мемлекеттік орган үш жұмыс күні ішінде құжатты қоса тіркей отырып, уәкілетті орган хатының көшірмесімен бірге уәкілетті тұлғаларға негізделген хат жолдайды.
Сондай-ақ өзгерістер мемлекеттік қызметшілерді мемлекеттік органдарға, халықаралық және өзге де ұйымдарға іссапарға жіберу ережелеріне де енгізілді.
Бұл ретте іссапарға жіберілуі мүмкін мемлекеттік қызметшілер:
— жолдаушы мемлекеттік органдағы мемлекеттік қызмет өтілі кемінде үш жыл;
— тәртіптік жазаға тартылмаған;
— уақытша міндетін атқарушы немесе уақытша жоқ қызметкерді алмастырушы емес;
— соңғы 8 тоқсан қатарынан «қызметтік міндетін тиімді орындайды» деген қызмет нәтижесін алған;
— ҚР заңнамасына, халықаралық шарттарына, халықаралық және өзге де ұйымдардың жарғылық және басқа да құжатқа сәйкес біліктілік талаптарына сай келетін;
— іссапарға жіберуге жазбаша келісім берген болуы тиіс.
Қаулы 2025 жылғы 18 тамыздан бастап күшіне енді.
Ұқсас материалдар
