Қалада қоғамдық көліктің тиімділігін арттыру мақсатында Райымбек даңғылы бойымен жаңа BRT (Bus Rapid Transit) желісі салынуда. Маршрут жолдың ортасымен де, шеткі бөліктерімен де өтеді.

Орталық BRT жолағы Кунаев пен Наурызбай батыр көшелерінің арасында, сондай-ақ Ауэзов пен Өтеген батыр көшелерінің арасында орналасады. Бұл шешім көлік қозғалысының қауіпсіздігін арттырып, автобус қозғалысының жылдамдығы мен жиілігін қамтамасыз етеді.

Шеткі BRT жолағы Пушкиннен Кунаевқа дейін, Наурызбай батырдан Ауэзовке дейін, және Өтеген батырдан «Алтын Орда» ауданына дейін созылады.

Барлық учаскелер арнайы өткел аймақтары арқылы байланыстырылып, автобустар жол ортасынан жиегіне және керісінше кедергісіз ауыса алады. Жобаның жалпы құны – 39,9 млрд теңге. Қаржыландыру аясында көгалдандыру, автоматты суару жүйесі, жаяу жүргіншілер жолы мен көркейту жұмыстары қамтылған.