Алматы тұрғындарының банк алдындағы берешегі бойынша Қазақстан өңірлері арасында көшбасшы болып қала берді. Ұлттық банктің мәліметіне сәйкес, 2026 жылғы 1 шілдедегі жағдай бойынша мегаполис тұрғындарының жалпы несие көлемі 7,638 трлн теңгеге жетті.

Екінші орында Астана – 4,236 трлн теңге, ал үшінші орында халықтың несие портфелі 2,05 трлн теңгені құраған Шымкент орналасқан.

Өңірлер арасында ең жоғары қарыз көлемі Қарағанды облысында тіркелді – 1,39 трлн теңге. Одан кейін Ақтөбе облысы (1,01 трлн теңге), Маңғыстау облысы (861,9 млрд теңге) және Жамбыл облысы (830,8 млрд теңге) келеді. Ең төменгі көрсеткіш Ұлытау облысында – 204,2 млрд теңге.

Халықтың несие портфелінің ең үлкен бөлігін бұрынғысынша тұтынушылық несиелер құрайды – 17,32 трлн теңге. Ипотекалық несиелердің көлемі 7,45 трлн теңгеге жетсе, тағы 1,08 трлн теңге өзге мақсаттарға берілген қарыздарға тиесілі.

Алматыда тұтынушылық несиелер көлемі 5,39 трлн теңгеден, ал ипотекалық несиелер 1,96 трлн теңгеден асты. Сонымен қатар Астана ипотекалық несие портфелі бойынша көш бастап, оның көлемі 2,19 трлн теңгені құрады.