Қалалық әкімдіктің баспасөз қызметі хабарлағандай, оңтүстік астанада рұқсат құжаттарынсыз салынған коммерциялық нысандар бұзылып жатыр.

Қаланың қала құрылысын бақылау басқармасының ақпараты бойынша, Жароков көшесі, 240/6 учаскесі мекенжайындағы коммерциялық үй-жайларды бөлшектеу жоспардан тыс тексеру барысында бұзушылық анықталғаннан кейін басталды. "МАДИНА" ЖШС қатысты әкімшілік шаралар қабылданды және бұзушылықтарды жоюға нұсқама берілді.

Бүгін нысан иесі нұсқаманың талаптарын орындау және заңсыз ғимараттарды жою үшін ерікті түрде бөлшектеуге кірісті.