Ол 2023 жылдың сәуірінен бері атқарып келген энергетика министрі қызметінен кетті.

Әр жылдары А. Сәтқалиев "Самұрық-Қазына", "Самұрық-Энерго" және KEGOC компанияларын басқарған.

Агенттік президент Қасым-Жомарт Тоқаев қол қойған "Қазақстан Республикасының мемлекеттік басқару жүйесін одан әрі жетілдіру шаралары туралы" Жарлық негізінде құрылды.

Құжатқа сәйкес, Атом энергетикасы агенттігі құрылып, ол тікелей президентке бағынады.

Жаңа агенттікке энергетика министрлігінің кейбір өкілеттіктері беріледі. Оларға уран өндіру, атом энергиясын пайдалану, халықтың радиациялық қауіпсіздігін қамтамасыз ету, Семей ядролық қауіпсіздік аймағын құру және оның жұмыс істеуін қадағалау мәселелері кіреді.

Жарлық қол қойылған күннен бастап күшіне енеді.

Бұған дейін президент жыл сайынғы Құрылтай барысында Атом энергетикасы агенттігін құруды тапсырған болатын.