Қаржы министрлігінің Мемлекеттік кірістер комитеті мобильді аударымдарды бақылауға қатысты жаңа критерийлерді қарастыруда. Олар жеке тұлғалардың кәсіпкерлік қызмет белгілерін анықтауға бағытталған.

Ұсынылған талаптар:

• жеке тұлға ай сайын 100 және одан да көп түрлі адамдардан ақша алуы;
• бұл жағдай қатарынан үш ай бойы қайталануы;
• қаражат кәсіпкерлікке арналмаған банк шотына келіп түсуі;
• жалпы сома 12 ең төменгі жалақыдан (2025 жылы – 1 020 000 теңге) асуы тиіс.

Отбасы мүшелерінен (ата-ана, бала, жұбай), жалақы мен әлеуметтік төлемдер, банкомат арқылы толтырулар есепке алынбайды.

Аталған нормалар жаңа Салық кодексінің жобасына енгізілген. Егер құжат қабылданса, өзгерістер 2026 жылғы 1 қаңтардан бастап күшіне енеді.