Қазақстанда салықтық әкімшілендіруді цифрландыру аясында Интеграцияланған салықтық әкімшілендіру жүйесі (ИСНА) толық іске қосылды. Бұл туралы Қаржы вице-министрі Әсет Тұрысов мәлімдеді.

Оның айтуынша, жаңа жүйе бұрын бөлек жұмыс істеген жеті ақпараттық платформаны біріктіріп, ескірген технологиялық шешімдердің орнын басты.

ИСНА енгізілгеннен кейін бірқатар процестердің орындалу уақыты айтарлықтай қысқарған. Атап айтқанда, операциялық күнді жабу мерзімі 18 сағаттан 3 сағатқа дейін, онлайн төлемдерді өңдеу уақыты 15 минуттан 1 минутқа дейін, ал құжат айналымы 1 сағаттан 1 минутқа дейін азайды.

Сондай-ақ жүйе салық төлеушілердің шоттарындағы бұғаттарды онлайн режимде алып тастауға мүмкіндік береді.

ИСНА құрамында іске қосылған «Реабилитация және банкроттық» модулі прокуратура, банк және сот органдары арасындағы өзара іс-қимылды толық цифрландырып, құжаттарды қарау мерзімін 10 күннен 1 күнге дейін қысқартқан.

Вице-министрдің айтуынша, жаңа Салық кодексі аясында жүйені одан әрі жетілдіру жұмыстары жалғасады.