Қазақстанда мобильді телефонға арналған қолжетімді тарифтік жоспарға (10 ГБ+ деректер және қоңыраулар) орта есеппен 4,7 мың теңге жұмсалады.

Бұл Ресейде төлейтін орташа сомадан (3,4 мың теңге) шамамен 40%-ға, ал Өзбекстандағы көрсеткіштен (2 мың теңге) 2,3 есе жоғары.

Сонымен қатар, Қырғызстанда мобильді байланыс арзанырақ – орта есеппен 2,8 мың теңге.

Беларусьте ұқсас тариф 4,4 мың теңге, Қытайда – 4,6 мың теңге, ал Түркияда баға Қазақстаннан сәл жоғары – 5,1 мың теңге.

Ал Жапония тұрғындары бұл қызмет үшін әлдеқайда көп төлейді – 12,4 мың теңге, Германияда – 13,8 мың теңге, Оңтүстік Африкада – 18,1 мың теңге, Оңтүстік Кореяда – 18,5 мың теңге.

Ең қымбат байланыс АҚШ-та (31,2 мың теңге) және БАӘ-де (28,5 мың теңге).

Қазақстанда интернет бағасы Ресейге қарағанда да жоғары. Жергілікті нарықта шексіз кең жолақты интернет (60 Мбит/с+) орта есеппен айына 6,8 мың теңге тұрады, ал көршілес елде – 4,2 мың теңге.

Қырғызстанда ұқсас пакет 5,9 мың теңге, Қытайда – 5,7 мың теңге, Өзбекстанда – 6,3 мың теңге, Беларусьте – 6,2 мың теңге. Түркияда интернет бағасы қымбатырақ – 7,1 мың теңге.

Ең көп төлейтіндер- Оңтүстік Корея (11 мың теңге), Жапония (16,4 мың теңге), Оңтүстік Африка (21 мың теңге), ал Польша мен Ұлыбританияда – 20 мың теңгеден жоғары.

Сарапталған елдер арасында ең қымбат байланыс АҚШ-та (37,1 мың теңге) және БАӘ-де (50 мың теңге).