Қазақстанда ипотекалық несиелер бойынша жылдық тиімді сыйақы мөлшерлемесін (ЖТСМ) 25%-дан 20%-ға дейін төмендету ұсынылуда. Бұл туралы Қаржы нарығын реттеу және дамыту агенттігінің төрайымы Мәдина Әбілқасымова LS сайтына берген сұхбатында айтты.

📌 Әбілқасымованың айтуынша, бұл — алдын алу шарасы, яғни проблемалық берешектің өсуіне жол бермеу мақсатында ұсынылған.

«20%-дан жоғары ставкалар – халық үшін ауыр жүктеме. Банк ипотека беру кезінде ЖТСМ шегін ескеріп, қымбат несие беруден аулақ болуы тиіс», – деді агенттік төрайымы.

🔹 Неліктен бұл маңызды?
Бүгінгі таңда ипотекалық портфельдің 60%-ы – Отбасы банктің несиелері, 30%-ы – мемлекеттік бағдарламалар аясында берілген қарыздар («7-20-25» және т.б.). Ал тек 10–15%-ы – нарықтық ипотека.

🔍 Қазір агенттік Ұлттық банкпен бірлесіп БВУ арқылы берілген ипотекалық несие нарығына зерттеу жүргізуде. Оның қорытындысы бойынша бірқатар ұсыныстар әзірленеді. ЖТСМ төмендету жөніндегі өзгерістер мамыр айының соңына дейін қабылдануы мүмкін.