Қытайдың жетекші жаңа энергетикалық автокөлік өндірушісі BYD Co. 2025 жылдың алғашқы тоқсанында таза табысын екі есеге – 9,15 млрд юаньға (1,26 млрд доллар) жеткізді.

Осы кезеңде компанияның табысы 36,4%-ға өсіп, 170,36 млрд юаньды құрады. BYD шамамен 1 млн жаңа энергетикалық көлік сатып, өткен жылдың сәйкес кезеңімен салыстырғанда сатылым көлемін 60%-ға арттырды.

Сонымен қатар, компания ғылыми-зерттеу және тәжірибелік-конструкторлық жұмыстарға бөлінетін шығындарды 34%-ға ұлғайтып, 14,22 млрд юаньға жеткізді. Акциялары Шэньчжэньде 1,3%-ға, ал Гонконгта 1,7%-ға қымбаттады.