Қыркүйекте алғашқы құрамды тестілік режимде іске қосуды жоспарлап отырмыз. Тест қорытындысы бойынша нақты қашан толық пайдалануға берілетіні белгілі болады. Әдетте, тестілік режим 3 айдан 6 айға дейін созылады. Жалпы, пайдалануға беру мерзімі туралы әрдайым айтып келеміз, — деді Жеңіс Қасымбек Алматы ауданы тұрғындарымен кездесу барысында.
Сондай-ақ шаһар басшысы жолақысына қатысты үн қатты.

— Жоба аясында жол жүру құны 200 теңгеге дейін деп қарастырылған. Нақты құн жыл соңына дейін анықталады, — дейді ол.