Еуразиялық экономикалық комиссия Алқасының төрағасы Бақытжан Сағынтаев пен Еуразиялық тұрақтандыру және даму қорының басқарушы директоры Ярослав Мандрон ЕЭК пен ЕТТҚЫҚ арасындағы ынтымақтастық туралы меморандумға қол қойды. Құжатқа 2 қазанда Минскіде өткен Еуразиялық үкіметаралық кеңес отырысы аясында қол қойылды.

Меморандум Еуразиялық экономикалық одақты дамытудың перспективалы бағыттарын ескере отырып әзірленіп, екі ұйым арасындағы жүйелі өзара іс-қимылға негіз қалайды.

Келісім аясында тараптар сараптамалық және ақпарат алмасып, бірлескен іс-шаралар өткізуді, сондай-ақ өзара қызығушылық тудыратын бағыттар бойынша талдау жұмыстарын үйлестіруді жоспарлап отыр.

«Бұл құжат қарым-қатынасымыздың тарихындағы алғашқы келісім болып, жүйелі диалогқа негіз қалады. Біз ЕЭК-тің сараптамалық әлеуеті мен ЕТТҚЫҚ құралдарын біріктіріп, ЕАЭО елдерінің даму жобаларын қолдауға және олардың экономикалық дамуына ықпал етуге ниеттіміз», — деді Бақытжан Сағынтаев.

Еуразиялық тұрақтандыру және даму қорының қатысушы мемлекеттері қатарында Армения, Беларусь, Қазақстан, Қырғызстан, Ресей және Тәжікстан бар.