Қазақстан Ұлттық банкі валюта нарығындағы жағдайға байланысты түсініктеме берді, деп хабарлайды LS.

Ведомствоның мәліметінше, теңгеге қысым көрсетіп отырған негізгі фактор — сыртқы жағдай, оның ішінде шетелдік инвесторлардың шетел валютасына деген сұранысының артуы. Бұл — әлемдік тәуекел-сентименттің нашарлауымен байланысты.

📊 Бұл жағдай KASE биржасындағы сауда көлеміне де әсер етті: 2024 жылғы 7 сәуірде сауда көлемі $456,4 млн болды, бұл жыл басынан бергі орташа күндік көлемнен екі есе көп.

🔹 Ұлттық банк теңгеге қолдау көрсетіп отырған бірқатар факторларды атады:

• Бюджетке трансферттер аясында шетел валютасын сату

• Аффинирленген алтынды сатып алу кезінде монетарлық бейтараптықты сақтау мақсатында валюта сату

💬 Ведомство валюталық интервенциялар жүргізілмегенін атап өтті.

Сонымен қатар, Ұлттық банк валюта нарығындағы жағдайды бақылауда ұстайтынын және қажет болған жағдайда айырбас бағамының күрт ауытқуына жол бермеу үшін тиісті шаралар қабылдауға дайын екенін жеткізді.

📈 Бұған дейін LS сарапшылары алдағы 3–6 ай ішінде теңгенің күшеюін болжаған. Олардың айтуынша, осы кезеңде USD/KZT курсы 465 теңгеге дейін жетуі мүмкін.

🗨 Сонымен қатар, өзге де қаржы нарығы ойыншылары АҚШ-тың жаңа тарифтік саясаты теңге бағамына қысқа мерзімде шектеулі әсер ететінін мәлімдеді.

📎 Дереккөз: lsm.kz