Құжатқа енгізілген өзгерістерге сәйкес, орталық және жергілікті атқарушы органдар, сондай-ақ Қазақстан Президентіне есеп беретін мемлекеттік органдар мен мүдделі ұйымдар міндетті:

- Іс-қимыл жоспарын орындау шараларын қабылдауға;

- Жылына екі рет – 5 шілдеге және 20 желтоқсанға дейін Ұлттық экономика министрлігіне іске асыру барысы туралы есеп ұсынуға.

- Ұлттық экономика министрлігі жиынтық ақпаратты Үкімет аппаратына 25 шілдеге және 5 қаңтарға дейін береді.

Сонымен қатар, іс-қимыл жоспары жаңа редакцияда ұсынылған.

2030 жылға дейінгі негізгі күтілетін нысаналы көрсеткіштер:

- 0,89 – электрондық үкіметті дамыту индексі (БҰҰ әдістемесі бойынша);

- 20 минут – ТОП-50 мемлекеттік қызметті көрсетуге арналған шекті мерзім, бұл ретте адами фактор толықтай алынып тасталады;

- Мемлекеттік қызметтердің 90%-ы тек электрондық форматта көрсетілуі тиіс;

- Әлеуметтік осал топқа көрсетілетін мемлекеттік қызметтің 50%-ы проактивті форматта болуы қажет.